ՊՐՈՖ. Հ.Ա. ՔԱԼԱՄՔԱՐՅԱՆԻ ԱՆՎԱՆ ՄԱՇԿԱՎԵՆԵՐԱԲԱՆՈՒԹՅԱՆ
ԵՎ ՄԱՇԿԻ ՕՊՏԻԿԱԿԱՆ ԱԽՏՈՐՈՇՄԱՆ ԱՍՈՑԻԱՑԻԱՅԻ
XIV ՄԻՋԱԶԳԱՅԻՆ ԳԻՏԱԳՈՐԾՆԱԿԱՆ ՀԱՄԱԺՈՂՈՎ
(«Երևանյան V դերմատոսկոպիական ընթերցումներ»)
4 XI 2023 թ.
ՊՈՍՏ-ՌԵԼԻԶ
2023 թվականի նոյեմբերի 4-ին‚ Երևանի Մխիթար Հերացու անվան պետական բժշկական համալսարանի պրոֆ. Նելլի Խոստիկյանի անվան լսարանում տեղի ունեցավ պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի XIV միջազգային գիտագործնական համաժողովը («Երևանյան V դերմատոսկոպիական ընթերցումներ»)։
Համաժողովին մասնակցում էին Հայաստանի Հանրապետության‚ Ռուսաստանի Դաշնության‚ Մոլդովայի Հանրապետության և Բելառուսի Հանրապետության 350 մաշկավեներաբաններ‚ դերմատոսկոպիստներ‚ տրիխոսկոպիստներ‚ դերմատոօնկոլոգներ‚ բժիշկ-կոսմետոլոգներ և այլ մասնագիտությունների բժիշկներ։
Միջոցառման կազմակերպիչներն էին` ԵՊԲՀ մաշկաբանության և սեռավարակաբանության ամբիոնը և պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիան (ամբիոնի վարիչ և ասոցիացիայի նախագահ` բ.գ.դ., պրոֆ. Խ.Մ. Խաչիկյան)։
Համաժողովի հյուրերին և մասնակիցներին ողջունեց ու բացման խոսքով հանդես եկավ ԵՊԲՀ պրոռեկտոր Գ.Ա. Ավետիսյանը։
Ողջույնի խոսքով ներկաներին դիմեցին ԵՊԲՀ կենսաքիմիայի ամբիոնի վարիչ` ՀՀ գիտության վաստակավոր գործիչ‚ բ.գ.դ.‚ պրոֆ. Մ.Ի. Աղաջանովը‚ ֆորումի նախագահ` բ.գ.դ.‚ պրոֆ. Խ.Մ. Խաչիկյանը‚ ֆորումի փոխնախագահ` բ.գ.դ.‚ պրոֆ. Ա. Վ. Աստվածատրյանը‚ որոնք կարևորեցին ոչ ֆորմալ գիտական համակարգում բժշկական գիտագործնական կոնֆերանսների դերը և մասնակիցներին բեղմնավոր աշխատանք մաղթեցին։
Համաժողովի բանախոսներն էին՝
- Անդրեյ Նիկոլայի Լվովը (բ.գ.դ., պրոֆեսոր, ՌԴ ԱՆ Մաշկավեներաբանության և կոսմետոլոգիայի պետական գիտական կենտրոնի գիտա-կլինիկական աշխատանքների գծով փոխտնօրեն‚ Կենտրոնական ֆեդերալ շրջանի մաշկավեներաբանության և կոսմետոլոգիայի գծով գլխավոր մասնագետ‚ «Մաշկաբանության և վեներոլոգիայի բանբեր» ամսագրի գլխավոր խմբագրի տեղակալ‚ ք. Մոսկվա, Ռուսաստանի Դաշնություն)‚
- Աննա Վալենտինի Միչենկոն (բ.գ.թ.‚ ՌԴ նախագահի գործերի կառավարման Կենտրոնական պետական բժշկական ակադեմիայի մաշկավեներաբանության և կոսմետոլոգիայի ամբիոնի դոցենտ, Մ.Վ. Լոմոնոսովի անվան ՄՊՀ-ի ԲԳԿ բժիշկ-դերմատովեներոլոգ, դերմատոսկոպիայի միջազգային ընկերակցության կառավարչության անդամ‚ ք. Մոսկվա, Ռուսաստանի Դաշնություն)‚
- Գենադի Վիկտորի Դրագունը (Մաշկավեներաբանության գիտահետազոտական կենտրոնի մաշկաբանության կլինիկայի բաժանմունքի վարիչ‚ Ռուսաստանի մաշկաբանության ազգային սերվերի խմբագրական կոլեգիայի անդամ‚ Դերմատոսկոպիայի և մաշկի օպտիկական ախտորոշման ռուսական ընկերակցության փորձագետ‚ «Ոսկե դերմատոսկոպ» համառուսական մրցանակի դափնեկիր‚ ք. Մոսկվա, Ռուսաստանի Դաշնություն)‚
- Միխայիլ Վլադիմիրի Ուստինովը (ՌԴ ՆԳՆ թիվ 2 Կենտրոնական պոլիկլինիկայի մաշկավեներաբանական բաժանմունքի վարիչ, ՌԴ բնական գիտությունների ակադեմիայի «Հիմնարար մաշկավեներաբանություն և կոսմետոլոգիա» բաժնի խորհրդատու, դերմատոսկոպիայի և մաշկի օպտիկական ախտորոշման ռուսական ընկերակցության վարչության անդամ, պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի պատվավոր անդամ‚ «Ոսկե դերմատոսկոպ» համառուսական մրցանակի դափնեկիր‚ ք. Մոսկվա, Ռուսաստանի Դաշնություն)‚
- Դմիտրի Վլադիմիրի Ռոմանովը (բ.գ.դ., Ի.Մ. Սեչենովի անվան Մոսկովյան առաջին պետական բժշկական համալսարանի հոգեբուժության և հոգեսոմատիկայի ամբիոնի պրոֆեսոր‚ ք. Մոսկվա, Ռուսաստանի Դաշնություն)‚
- Անժելա Գայդաշենկոն (մաշկաբան‚ բժիշկ-կոսմետոլոգ‚ ք. Քիշնև, Մոլդովայի Հանրապետություն)‚
- Խաչիկ Մարտինի Խաչիկյանը (ԵՊԲՀ մաշկաբանության և սեռավարակաբանության ամբիոնի վարիչ‚ պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի նախագահ‚ մաշկավեներաբանների հայկական ասոցիացիայի անդամ‚ ք. Երևան‚ ՀՀ)‚
- Անահիտ Պավելի Թոփչյանը (ԵՊԲՀ մաշկաբանության և սեռավարակաբանության ամբիոնի ասիստենտ, ՀՀ ԱՆ Բժշկական գենետիկայի և առողջության առաջնային պահպանման կենտրոնի մաշկավեներաբան, դերմատոսկոպիստ, պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի անդամ, մաշկավեներաբանների հայկական ասոցիացիայի անդամ, ք. Երևան, ՀՀ)‚
- Դավիթ Անուշավանի Հարությունյանը («Դավիդյանց պոլիկլինիկաներ» ՍՊԸ-ի և «Սլավմեդ» ԲԿ-ի մաշկավեներաբան‚ պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի անդամ‚ մաշկավեներաբանների հայկական ասոցիացիայի անդամ, EADV, IDS, EADO անդամ‚ ք. Երևան, ՀՀ)‚
- Էդուարդ Արկադիի Ավագյանը («Կոսմոլաբ» էսթետիկ բժշկության և մաշկաբանության կենտրոնի փոխտնօրեն, Էսթետիկ բժշկության և մաշկաբանության հայկական ասոցիացիայի նախագահ, պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի անդամ, մաշկավեներաբանների հայկական ասոցիացիայի անդամ, ք. Երևան, Հայաստանի Հանրապետություն)‚
- Անուշ Հովսեփի Գոմցյանը («Բլեյզ ԲԿ-ի» մաշկաբան-պոդոլոգ‚ պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի անդամ‚ մաշկավեներաբանների հայկական ասոցիացիայի անդամ, ՌԴ մաշկավեներաբանների և կոսմետոլոգների ազգային ալյանսի անդամ‚ ք. Երևան, ՀՀ)‚
- Լուսինե Կամոյի Ամիրխանյան (մաշկավեներաբան‚ պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի անդամ‚ մաշկավեներաբանների հայկական ասոցիացիայի անդամ‚ ք. Երևան, ՀՀ)։
Բանախոսները ներկայացրեցին մաշկավեներաբանության և դերմատոօնկոլոգիայի արդի խնդիրների վերաբերյալ հետևյալ զեկուցումները`
- Ա.Վ. Միչենկոն` «Քորը մաշկի նորագոյացությունների դեպքում. դերմատոսկոպիայից մինչև պսիխոսոմատիկա»‚
- Գ.Վ. Դրագունը «Սեռական մաշկախտեր. դերմատոսկոպիայից մինչև բուժում»‚
- Ա. Գայդաշենկոն «Ինտիմ գոտու տարբեր պատճառագիտական խնդիրների նորարարական լուծում»‚
- Ա.Ն. Լվովը`«Հազվագյուտ և ատիպիկ մաշկախտեր‚ կլինիկական քննարկում. հետևելով պրոֆեսոր Հ.Ա. Քալամքարյանի պատգամներին»‚
- Դ.Վ. Ռոմանովը` «Հոգեմաշկաբանական խախտումների համակարգը. հոգեբույժի տեսակետ»‚
- Մ.Վ. Ուստինովը` «Զգայուն մաշկի համախտանիշով մաշկախտերի դերմատոսկոպիան և խնամքի առանձնահատկությունները»‚
- Խ.Մ. Խաչիկյանը` «Բորբոքային մաշկախտերի հիմնական ախտահյուսվածքաբանական ռեակցիաները‚ դերմատոսկոպիական պատտերնները և դրանց համահարաբերակցությունը» և «Մաշկի նախադաշտանային ախտաբանություն»‚
- Ա.Պ. Թոփչյանը` «Շպիցանման մելանոցիտային պրոլիֆերացիաներ»‚
- Դ.Ա. Հարությունյանը` «Արհեստական բանականությունը մաշկաբանության մեջ»‚
- Է.Ա. Ավագյանը` «Կորյակային հիվանդության ժամանակակից բուժումը»‚
- Լ.Կ. Ամիրխանյանը` «Ափաներբանային մաշկախտեր»‚
- Ա.Հ. Գոմցյան` «Շուրջհետանցքային մաշկախտեր»։
Կազմակերպվեց նաև դեղամիջոցների‚ ախտորոշման և հսկման միջոցների‚ բժշկական և լաբորատոր սարքավորումների‚ բժշկական տեխնիկայի թեմատիկ ցուցահանդես‚ որին մասնակցեցին`
- «Ալֆա Ֆարմ» ընկերությունը‚
- «Ամանտիս» ԲԿ-ն‚
- «La Roche-Posay» ընկերությունը‚
- «Medest» կոսմետոլոգիական կլինիկան‚
- «Piquar» ընկերությունը‚
- «Selvert Thermal» ընկերությունը‚
- «Topicrem» ընկերությունը
- «Vichy laboratoires» ընկերությունը‚
- «Premier group» ընկերությունը։
Համաժողովի ավարտին պրոֆ. Խ.Մ. Խաչիկյանը շնորհակալություն հայտնեց հյուրերին, կազմակերպիչներին, աջակիցներին, մեկենասներին, գործընկերներին և ներկաներին ակտիվ մասնակցության համար։
Բարձր գնահատելով հյուրերի մասնագիտական գործուեությունը, Հայաստանի Հանրապետության‚ Ռուսաստանի Դաշնության‚ Մոլդովայի Հանրապետության մաշկաբանական հանրույթների միջև կապի ամրապնդմանն ու զարգացմանն ուղղված ջանքերը` Աննա Վալենտինի Միչենկոն և Անդրեյ Նիկոլայի Լվովը արժանացան պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի պատվավոր անդամի կոչման։
Մինչ նոր հանդիպում` պրոֆ. Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի XV միջազգային ֆորումին։
e-mail: [email protected]
հեռ. +374-91-406151
