2024-04-13 11:30

Պրոֆ. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիայի XV միջազգային հոբելյանական ֆորում

ՏԵՂԵԿԱՏՎԱԿԱՆ ԵՐԿՐՈՐԴ ՆԱՄԱԿ

«ԵՐԵՎԱՆՅԱՆ VI ԴԵՐՄԱՏՈՍԿՈՊԻԱԿԱՆ ԸՆԹԵՐՑՈՒՄՆԵՐ» 

ՄԻՋԱԶԳԱՅԻՆ XV ՀՈԲԵԼՅԱՆԱԿԱՆ ԳԻՏԱԳՈՐԾՆԱԿԱՆ ՀԱՄԱԺՈՂՈՎ 

Մխիթար Հերացու անվան Երևանի պետական բժշկական համալսարանի մաշկաբանության և սեռավարակաբանության ամբիոնը և պրոֆեսոր Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիան հայտնում են‚ որ 2024 թվականի ապրիլի 13-ին (շաբաթ) կկայանա «Երևանյան VI դերմատոսկոպիական ընթերցումներ» միջազգային հոբելյանական XV գիտագործնական համաժողովը։

Միջոցառման անցկացման վայրը` ք. Երևան‚ Կորյունի 2‚ Մխիթար Հերացու անվան Երևանի պետական բժշկական համալսարանի նիստերի դահլիճ (կարմիր սրահ)։

Գրանցումը` ժամը 11։30-ից։

Սկիզբը` ժամը 12։30-ին։ Մինչ այդ տեղի կունենա պրոֆեսոր Խ.Մ. Խաչիկյանի բժշկական համալսարանների ուսանողների համար նախատեսված «Մաշկավեներաբանություն» դասագրքի երկհատորյակի շնորհանդեսը։

Համաժողովին մասնակցությունն անվճար է։ 

Համաժողովի օրակարգի‚ բանախոսների և գիտական ծրագրի մասին տեղեկատվությունը կներկայացվի հաջորդիվ։

Համաժողովը գիտելիքների ընդարձակման և փոխանակության‚ անհատական և մասնագիտական աճի հիանալի հնարավորություն է։

Դուք կհանդիպեք մասնագիտության գաղափարական առաջամարտիկների հետ։ Մաշկաբանների համաշխարհային հանրույթի հայտնի ներկայացուցիչները կծանոթացնեն Ձեզ մասնագիտության առաջավոր գիտական կոնտենտի‚ այն է` վերջին հետազոտությունների արդյունքների‚ գիտությունից բխող ու շարունակաբար լրամշակվող լավագույն կլինիկական և գործնական մոտեցումների հետ։ 

Ցուցահանդեսում Դուք կծանոթանաք առաջավոր տեխնոլոգիաների‚ կոսմետոլոգիական արտադրանքի ու նոր ծառայությունների հետ։

Գիտելիքը չի մնում նույն տեղում։ Այն փոփոխվում է։ Մասնակցե´ք ֆորումի աշխատանքներին և փոխեք այն։

ՀԱՄԱԺՈՂՈՎԻ ԿԱԶՄԱԿԵՐՊԻՉՆԵՐ

  • Երևանի Մխիթար Հերացու անվան պետական բժշկական համալսարանի մաշկաբանության և սեռավարակաբանության ամբիոն (ամբիոնի վարիչ` պրոֆ. Խ.Մ. Խաչիկյան)‚
  • Պրոֆեսոր Հ.Ա. Քալամքարյանի անվան մաշկավեներաբանության և մաշկի օպտիկական ախտորոշման ասոցիացիա (ՄՄՕԱԱ նախագահ` պրոֆ. Խ.Մ. Խաչիկյան)‚
  • Այրվածքաբանության և մաշկաբանության ազգային կենտրոն (տնօրեն` Հ.Ա. Հովհաննիսյան)։

ՀԱՄԱԺՈՂՈՎԻ ՆԱԽԱԳԱՀՈՒԹՅՈՒՆ

  • նախագահ` բժշկ. գիտ. դոկտոր‚ պրոֆեսոր` Խաչիկ Մարտինի Խաչիկյան‚
  • փոխնախագահ` ՀՀ ԱՆ ԱՄԱԿ տնօրեն` Հովհաննես Արտաշեսի Հովհաննիսյան
  • փոխնախագահ` բժշկ. գիտ. դոկտոր‚ պրոֆեսոր` Արմեն Վիլենի Աստվածատրյան‚
  • փոխնախագահ` բժշկ. գիտ. թեկնածու` Արամ Միխայիլի Մկրտիչյան։

ՀԱՄԱԺՈՂՈՎԻՆ ՄԱՍՆԱԿՑՈՒԹՅԱՆ ՊԱՅՄԱՆՆԵՐԸ

«Երևանյան VI դերմատոսկոպիական ընթերցումներ» միջազգային հոբելյանական XV գիտագործնական համաժողովի աշխատանքներին մասնակցելու նպատակով անհրաժեշտ է ԳՐԱՆՑՎԵԼ՝ նամակ ուղարկելով պրոֆ. Խ.Մ. Խաչիկյանի էլեկտրոնային հասցեին, նշելով՝ համաժողովի աշխատանքներին մասնակցության հայտ։ Գրանցման արձանագրման մասին Դուք կստանաք պատասխան էլեկտրոնային նամակ։
             Շարադրյալն անհրաժեշտ է մասնակիցների համար նախապես ԱՆՎԱՆԱԿԱՆ ԲԵՅՋ ԵՎ ՀԱՎԱՍՏԱԳԻՐ պատրաստելու նպատակով։

Խնդրում ենք մինչև 2024 թ. ապրիլի 3-ը հաստատել XV հոբելյանական համաժողովին Ձեր մասնակցությունը։

Համաժողովն առանց ՇՄԶ կրեդիտների է։

Մասնակիցների սերտիֆիկատները տրվելու են անմիջապես համաժողովի ավարտին։

ՀԱՄԱԺՈՂՈՎԻ ԷՔՍՊՈԶԻՑԻԱՅԻՆ ՄԱՍՆԱԿՑՈՒԹՅԱՆ ՊԱՅՄԱՆՆԵՐԸ

Համաժողովի էքսպոզիցիային մասնակցելու նպատակով ծանոթացեք միջազգային միջոցառումների մասին հետևյալ հղմանը (https://armderm.am/mijazgayin-mijocarumner/) կամ դիմեք նախագահություն։

ՀԱՄԱԺՈՂՈՎԻ ՄԱՍՆԱԿԻՑՆԵՐԸ

Համաժողովի հրավիրյալ մասնակիցների թվում են`

  • բժշկ. գիտ. դոկտոր‚ ՌԴ նախագահի գործերի կառավարման կենտրոնական պետական բժշկական ակադեմիայի մաշկավեներաբանության և կոսմետոլոգիայի ամբիոնի պրոֆեսոր` Լվով Անդրեյ Նիկոլաևիչը‚
  • բժշկ. գիտ. դոկտոր‚ պրոֆեսոր, ՌԴ բարձրագույն դպրոցի վաստակավոր աշխատակից‚ “Medsi Premium” ԲԿ մաշկավեներաբան խորհրդատու` Օխլոպկով Վիտալի Ալեքսանդրովիչը‚
  • բժշկ. գիտ. թեկնածու, ուռուցքաբան‚ Տյումենի պետական բժշկական ակադեմիայի մաշկավեներաբանության ամբիոնի դերմատոսկոպիայի դասընթացի ղեկավար, բարձրագույն որակավորման մաշկաբան-ուռուցքաբան, «Մաշկի նորագոյացությունների դերմատոսկոպիան» գրքի հեղինակ, «Ոսկե դերմատոսկոպի» ազգային մրցանակի դափնեկիր` Ալեքսեյ Դմիտրիի Գետմանը‚
  • բժշկ. գիտ. թեկնածու, ՌԴ հետդիպլոոմային կրթության ակադեմիայի մաշկավեներաբանության ամբիոնի դոցենտ` Սիրմայս Նատալիա Սերգեևնան‚
  • ՌԴ ՆԳՆ թիվ 2 Կենտրոնական պոլիկլինիկայի մաշկավեներաբանական բաժանմունքի վարիչ, ՌԴ ԲԳԱ «Հիմնարար մաշկավեներաբանություն և կոսմետոլոգիա» բաժնի խորհրդատու, դերմատոսկոպիայի և մաշկի օպտիկական ախտորոշման ռուսական ընկերակցության վարչության անդամ` Միխայիլ Վլադիմիրի Ուստինովը‚
  • մաշկավեներաբան‚ բժիշկ-կոսմետոլոգ‚ EADV անդամ` Կարպուշինա Եկատերինա Ալեքսանդրովնան։

Համաժողովին կմասնակցեն նաև ՀՀ մաշկավեներաբանության դպրոցի մի շարք ներկայացուցիչներ (կներկայացվեն հաջորդիվ)։

ՀԱՄԱԺՈՂՈՎԻ ՄՈԴԵՐԱՏՈՐՆԵՐԸ

Համաժողովի մոդերատորներն են`

  • բժշկ. գիտ. դոկտոր‚ պրոֆեսոր` Անդրեյ Նիկոլայի Լվովը‚
  • բժշկ. գիտ. դոկտոր‚ պրոֆեսոր` Վիտալի Ալեքսանդրի Օխլոպկովը‚
  • բժշկ. գիտ. դոկտոր‚ պրոֆեսոր` Խաչիկ Մարտինի Խաչիկյանը‚
  • Միխայիլ Վլադիմիրի Ուստինովը։

ԵՊԲՀ մաշկաբանության և սեռավարակաբանության ամբիոնի վարիչ,

պրոֆեսոր Հ.Ա. Քալամքարյանի անվան ՄՄՕԱԱ նախագահ` 

պրոֆ. Խ.Մ. Խաչիկյան

Հեռ.՝ +374-91-406151,

E-mail: [email protected]

Մուտք գործել

Չունե՞ք հաշիվ:
Scroll to Top