Կլինիկական դեպք

Աջ ձեռքի վրա հայտնաբերվեցին. 4 կլորավուն, հստակ սահմանազատված հիպերկերատոտիկ պապուլա, չափերը՝ մոտ 3–7 մմ, կոպիտ, պապիլոմատոզ մակերես, մոխրագույն-դեղնավուն կերատոտիկ ծածկույթ։ Մեկ օջախ տեղակայված է միջնամատի եղունգի կողային հատվածին մոտ, սակայն եղունգային թիթեղը չի ախտահարված։ Ձախ ափի վրա հայտնաբերվեց մեկ փոքր հիպերկերատոտիկ պապուլա։

Մաշկի վրա հայտնաբերվեցին լավ սահմանազատված, կաթնաճերմակ/դեպիգմենտացված մակուլաներ և պսակաձև օջախներ։ Օջախների մեծ մասը ամբողջությամբ ապիգմենտացված է։ Առանձին փոքր օջախների եզրերին առկա են անկանոն, մասամբ պահպանված պիգմենտային հատվածներ։ Ախտահարումների մակերեսը. հարթ է, չի թեփոտվում, ինֆիլտրացված չէ, չի ցավում։

Գլխամաշկի զննմամբ հայտնաբերվեցին. 3 կլորավուն/օվալաձև էրիթեմատոզ-թեփոտ օջախ, ֆոլիկուլյար էրիթեմա, որոշ հատվածներում՝ մանր ֆոլիկուլյար պապուլներ, օջախների ներսում՝ տարբեր երկարության կոտրված մազեր։ Ախտահարումների սահմանները համեմատաբար հստակ են։ Ամենամեծ օջախի տրամագիծը մոտ 4.5 սմ է։

Զննման պահին առկա էին տարբեր չափերի էրիթեմատոզ-վարդագույն, մաշկի մակերևույթից բարձրացած, կենտրոնում երբեմն ավելի գունատ, հստակ, սակայն ոչ մշտական սահմաններով ուրտիկար պապուլներ և պլաքներ։ Որոշ օջախներ ունեն օղակաձև կամ պոլիցիկլիկ կառուցվածք, չափերը տատանվում են մոտ 0.5–8 սմ։ Ներկայումս առկա օջախների մեծ մասը գտնվում էր իրանի և վերին վերջույթների շրջանում։

Մաշկի զննմամբ հայտնաբերվեցին. բազմաթիվ էրիթեմատոզ պապուլներ, փոքր պապուլովեզիկուլյար տարրեր, որոշ հատվածներում՝ 2–5 մմ չափի քորային հանգույցներ, մատների միջմատային տարածքներում՝ բարակ, գծային-կորագիծ գոյացություններ։

Մաշկի զննմամբ հայտնաբերվեցին. կլորավուն և օվալաձև էրիթեմատոզ բծեր, էրիթեմատոզ պապուլներ, պերիֆերիկ հատվածներում՝ մանր պապուլովեզիկուլյար տարրեր, որոշ օջախներում՝ բարձրացած, ինֆիլտրացված ակտիվ եզր։ Օջախների կենտրոնական հատվածները համեմատաբար ավելի բաց են, քան պերիֆերիան։ Մի քանի օջախներ միաձուլվում են՝ առաջացնելով պոլիցիկլիկ սահմանագիծ։

Ձեռքերի զննմամբ հայտնաբերվեցին. էրիթեմատոզ պապուլներ, մանր վեզիկուլներ՝ հատկապես մատների կողմնային մակերեսներին, էրիթեմատոզ-էդեմատոզ բծեր և թիթեղներ, դաստակների շրջանում՝ ավելի մեծ էրիթեմատոզ օջախներ։ Պարանոցի և ականջների առաջային հատվածներում դիտվում են էրիթեմատոզ պապուլովեզիկուլյար օջախներ։ Ախտահարումները համեմատաբար հստակ սահմանազատված են այն հատվածներում, որոնք առավել հաճախ շփվում են աշխատանքային նյութերի կամ կոսմետիկ միջոցների հետ։

Մաշկի զննման ժամանակ հայտնաբերվեցին. բազմաթիվ էրիթեմատոզ պապուլներ, պապուլները միաձուլվելով ձևավորում են ինֆիլտրատիվ թիթեղներ, թիթեղները հստակ սահմանազատված են շրջակա առողջ մաշկից, ախտահարումները հիմնականում սիմետրիկ են։ Առավել արտահայտված օջախները գտնվում են արմունկների և ծնկների էքստենսոր մակերեսներին։ Թիթեղների մակերեսին առկա է չոր, սպիտակավուն-արծաթափայլ թեփ։ Կողմնային լուսավորմամբ նկատվում է օջախների հստակ բարձրացում առողջ մաշկի նկատմամբ։

Մաշկի զննման ժամանակ հայտնաբերվեցին էրիթեմատոզ պապուլաներ, էրիթեմատոզ-ինֆիլտրատիվ բծեր և փոքր չափի թիթեղներ, որոշ հատվածներում՝ պապուլովեզիկուլյար բնույթի մանր տարրեր, քրոնիկ ընթացող օջախներում՝ մաշկի հաստացում։ Սուր օջախներում էրիթեման վառ էր, իսկ քրոնիկ օջախներում՝ ավելի թույլ արտահայտված։ Դիտվում է մաշկի ընդհանուր քսերոզ։ Ափերի շրջանում նկատվում է թեթև արտահայտված հիպերլինեարություն

Գլխամաշկին, հատկապես ճակատամերձ և գագաթային հատվածներում, հայտնաբերվում են. էրիթեմատոզ մակուլաներ, էրիթեմատոզ-դեսկվամատիվ բծեր և փոքր վահանիկներ, որոշ հատվածներում՝ միաձուլվող էրիթեմատոզ օջախներ։ Դեմքի վրա՝ էրիթեմատոզ մակուլաներ, բարակ թեփոտվող պլակներ (plaques)։ Ախտահարումները հիմնականում մակերեսային են

Դեմքի մաշկի վրա հայտնաբերվում են. ոչ բորբոքային տարրերից՝ բաց կոմեդոններ՝ բազմաթիվ, հատկապես ճակատի և քթի շրջանում, փակ կոմեդոններ՝ բազմաթիվ, մաշկագույն փոքր պապուլների տեսքով։ Բորբոքային տարրերից՝ էրիթեմատոզ պապուլաներ, պապուլոպուստուլոզ տարրեր, առանձին պուստուլաներ։ Հայտնաբերվում են նաև մի քանի ավելի խոր, ցավոտ բորբոքային հանգույցներ, սակայն ֆլուկտուանտ պսևդոցիստեր չեն հայտնաբերվում։