Մանրվահանակային (վագրանման) պարապսորիազ

30 տարեկան տղամարդ, ամուսնացած։

Իրեն հիվանդ է համարում շուրջ 6-7 ամիս։ Առանց որևէ տեսանելի պատճառի աջ ազդրի վրա առաջացել է էրիթեմային օջախ։ 1-2 ամիս առաջ գործընթացը տարածվել է ամբողջ մարմնով մեկ։ Դիմում է բժշկի առաջին անգամ։

Գանգատվում է վերին և ստորին վերջույթներին, կրծքին, որովայնին, մեջքին առաջացած մաշկի ցանավորումից, որոնք սուբյեկտիվորեն չեն անհանգստացնում։

Վերին և ստորին վերջույթներին, կրծքին, որովայնին, մեջքին դիտվում են տարբեր չափերի, թույլ ներսփռված, բաց վարդագույն-դեղնավուն-նուրբ սաղմոնագույն, հստակ գծագրված, թեթևակիորեն թեփոտվող կլորավուն-օղակաձև մոնոմորֆ բծեր, որոնք տարածվում են, սակայն ծայրամասային աճի, ուստի և միաձուլման հակում չեն ցուցաբերում։

Թեփ (աղքատիկ թեփոտում)

Վերին և ստորին վերջույթներին, ուսագոտու շրջանում, կրծքին (կողերին զուգահեռ), որովայնին, մեջքին։

Ախտահարված չեն։

Արյան ընդհանուր հետազոտություն լեյկոֆորմուլայով` նորմայի սահմաններում։ Կենսաքիմիական ընդհանուր հետազոտություններ` նորմայի սահմաններում։ HBV, HC, HIV` բացասական են։ Վահանագեղձի անդրձայնային հետազոտություն` ախտաբանական փոփոխություններ չեն արձանագրվել:

Կարմիր տափակ որքին, Տոքսիկոդերմիա, Սեբորեային դերմատիտ, Մնկաձև միկոզ (օջախները ներսփռված են, գերազանցապես օղակաձև, պոլիցիկլիկ, մանուշակագույնի նրբերանգներով, երբեմն օջախի կենտրոնական հատվածի գույնի բացացումով, տեղակայվում են ամենուր, ժամանակի ընթացքում ներսփռանքն աճում է), Խրոնիկական լիխենոիդ որքին (pityriasis lichenoides chronica, օջախները հստակ եզրագծված չեն)։

Մանրվահանակային (վագրանման) պարապսորիազ

Հակաբիոտիկներ, հակահիստամինային պատրաստուկներ, վիտամինաբուժություն, ոչ յուրահատուկ հակաբորբոքային պատրաստուկներ։

Տեղային կորտիկոիդային քսուքներ։