Բազալ-բջջային քաղցկեղ

Հիվանդը՝ 68-ամյա տղամարդ, դիմել է դերմատոօնկոլոգին քթի շրջանում երկարատև չսպիացող խոցով

Հիվանդը նշում է, որ 4 տարի առաջ նկատել է փոքրիկ, մաշկագույն հանգույց քթի վրա, որը դանդաղ մեծացել է: Վերջին 6 ամսվա ընթացքում հանգույցի կենտրոնում առաջացել է խոց, որը կրկնվող արյունահոսում է: Հիվանդը երկար տարիներ աշխատել է արտասահմանում (շինարար), ունի բաց մաշկ, երկար տարիներ եղել է արևի ուղիղ ճառագայթների տակ։

Խոց քթի վրա, պարբերաբար արյունահոսող։ Մեղմ ցավ խոցի շրջանում։ Դանդաղ աճող հանգույց։

Մաշկագույն կամ վարդագույն հանգույց, տելեանգիեկտազիաներ հանգույցի մակերեսին։

Խոց և քերծվածքներ , կեղևներ, Ատրոֆիկ փոփոխություններ եզրերին

Եղունգները և մազերը ախտահարված չեն։

Դերմատոսկոպիա – ճյուղավորվող անոթներ, մոմանման փայլ։ Հյուսվածաբանական հետազոտություն – բազալ բջիջների բազմացում, նուկլեար հիպերքրոմատոզ։ Արյան հետազոտություն – շեղումներ չեն հայտնաբերվել։ Ուլտրաձայնային հետազոտություն -3.5 մմ խորություն, ենթամաշկային տարածում չկա

Քերատոականթոմա, Մելանոմա

Բազալ-բջջային քաղցկեղ (նոդուլար ձև, խոցոտված փուլ)

Վիրաբուժական հեռացում, Ճառագայթային թերապիա

Կրիոթերապիա փոքր գոյացությունների համար