Հոդախախտային պսորիազ

55տ տղամարդ

Իրեն հիվանդ է համարում շուրջ քսան տարի։ Առաջին էլեմենտները ի հայտ են եկել իրանին և ձեռքերի տարածիչ մակերեսներին, աստիճանաբար գործընթացը տարածվել է ամբողջ մարմնով, ներառյալ գլխի մազածածկ հատվածը, հոդերը և եղունգները։ Ժառանգական անամնեզը ծանրաբեռնված է, հայրը նույնպես տառապում է պսորիազ հիվանդությամբ, ուղեկցող հիվանդություններից՝ ստամոքսի խոցային հիվանդություն։ Հիվանդության մեկնարկը կապում է տարած սթրեսի հետ:

Ընդհանուր դիսկոմֆորտ՝ ալրանման թեփոտում, մաշկային ծակույթների տարածված ախտահարում, քոր, թուլություն, ախորժակի բացակայություն, քաշի կտրուկ կորուստ։ Վերին վերջույթների մանր մոտորիկային խափանում, փոքր ֆալանգային հոդերում շարժումների սահմանափակում, ցավ։

էրիթեմա, վարդագույն-կարմիր հանգույցիկներ, որոնք միավորվելով առաջացրել են վահանակ։

Էրոզիա, արծաթասպիտակավուն թեփ։

Վերին վերջույթների դիստալ ֆալանգներ, մանր հոդեր և միջմատային ծալքեր։

Ենթաեղնգային հիպերկերատոզ, օնիխոգրիֆոզ

Օբյեկտիվ հետազոտություն՝ դրական Կեյնինգ-Գասենֆլյուգի բնաճարպային բծի համախտանիշ, ծայրային թաղանթի և Պոլոտեբնովի արյունային ցողի ախտանիշ։ Կարտամիշևի փորձը և Կեբների իզոմորֆ ֆենոմենը դրական, Պիլնովի եզրագոտու առկայություն։ Դերմատոսկոպիկ հետազոտությամբ՝ փշաձև շերտի պրոլիֆերատիվ հիպերկերատոզ, պարակերատոզ, վերնամաշկի հատիկային, փայլուն և եղջերային շերտերի բացակայություն։

Պարապսորիազ, Ռեյտերի հիվանդություն, սեբորեային էկզեմա։

Հոդախախտային պսորիազ։

Դիետա, կենդանական ճարպերի և ածխաջրատների սահմանափակում, ալկոհոլի և ծխախոտի բացառում։ Ընդհանուր թունազերծող բուժում՝ ֆիզ լուծույթ, ասկորբինաթթու ն/ե կաթիլայի օրեկան երկու անգամ։ Դիպրոսպան 1մլ՝ մ/մ յուրանքաչյուր 7 օրը մեկ անգամ, ընդհանուր չորս ներարկում։ Դիկլոֆենակ 75մգ օրեկան մեկ անգամ ուտելուց հետո, օմեպրազոլ 20մգ օրեկան 2 անգամ։ Մեթոտրեքսատ 2,5մգ օրեկան 4 անգամ։ Ինֆլիքսիմաբ ն/ե՝ 5 մգ/կգ 1-ին, 2-րդ և 6-րդ շաբաթները, ընդհանուր երեք անգամ։

Ախտահարված հոդերին՝ դիկլակ քսուկ, օրը երկու անգամ։