Սեբորեային դերմատիտ, մեծահասակների ձև

27 տարեկան կին, Մաշկի ֆոտոտիպ՝ III

Հիվանդը նշում է, որ գլխամաշկի թեփոտումը սկսել է մոտ 4 տարի առաջ։ Սկզբում ախտանշանները եղել են մեղմ՝ սպիտակավուն թեփի տեսքով։ Վերջին 8 ամիսների ընթացքում սրացումները դարձել են ավելի հաճախակի։ Սրացումները հատկապես նկատում է. սթրեսային ժամանակահատվածներում, քնի պակասի ժամանակ, ձմռանը, մազերը մի քանի օր չլվանալու դեպքում։ Վերջին 3 ամիսներին միացել են. հոնքերի շրջանում կարմրություն, քթի-շրթային ծալքերի թեփոտում, ականջների հետևի և արտաքին լսողական անցքի մուտքի շրջանում թեփոտում։ Հիվանդը նախկինում օգտագործել է սովորական շամպուններ և տարբեր «հակաթեփային» միջոցներ՝ առանց կայուն արդյունքի։ Վերջին մեկ ամսում ինքնուրույն կիրառել է կետոկոնազոլ պարունակող շամպուն շաբաթական մեկ անգամ՝ մասնակի բարելավմամբ։ Ատոպիկ դերմատիտի, պսորիազի և ալերգիկ հիվանդությունների պատմություն չի նշում։ Ընտանեկան անամնեզում պսորիազ չկա։ Դեղորայքային նոր բուժում չի սկսել։

Հիվանդը գանգատվում է գլխամաշկի թեփոտումից, մեղմ–միջին ինտենսիվության քորից, գլխամաշկի կարմրությունից, հոնքերի շրջանում թեփոտումից, քթի-շրթային ծալքերի կարմրությունից և թեփոտումից, ականջների հետևում քորից և թեփոտումից։ Քորը մշտական չէ և ավելի արտահայտված է սրացման շրջանում։ Ցավ, թարախային արտադրություն կամ մազաթափություն չի նշում։

Գլխամաշկին, հատկապես ճակատամերձ և գագաթային հատվածներում, հայտնաբերվում են. էրիթեմատոզ մակուլաներ, էրիթեմատոզ-դեսկվամատիվ բծեր և փոքր վահանիկներ, որոշ հատվածներում՝ միաձուլվող էրիթեմատոզ օջախներ։ Դեմքի վրա՝ էրիթեմատոզ մակուլաներ, բարակ թեփոտվող պլակներ (plaques)։ Ախտահարումները հիմնականում մակերեսային են

Գլխամաշկի վրա առկա են. սպիտակավուն և դեղնավուն, յուղոտ թեփուկներ, որոշ հատվածներում ավելի բարակ փոշենման թեփոտում։ Հոնքերի և քթի-շրթային ծալքերի շրջանում՝ բարակ դեղնավուն-սպիտակավուն թեփուկներ։ Ականջների հետևում դիտվում է մակերեսային թեփոտում և թույլ էքսկորիացիաներ։

Գլխամաշկ ճակատամերձ հատված, գագաթ, քունքային հատվածներ, հետականջային շրջան։ Դեմք հոնքեր, միջհոնքային հատված, քթի-շրթային ծալքեր, քթի թևերի շրջակայք։ Ականջներ արտաքին լսողական անցքի մուտք, հետականջային ծալքեր։

Առանց ախտաբանական փոփոխությունների։

Ախտորոշումը կլինիկական է: Գլխամաշկի տրիխոսկոպիայով դիտվում են. դեղնավուն-սպիտակավուն թեփուկներ, բարակ arborizing/ճյուղավորվող անոթներ, որոշ հատվածներում ոչ սպեցիֆիկ էրիթեմատոզ ֆոն, մազային ֆոլիկուլների բացվածքները պահպանված են։

Գլխամաշկի պսորիազ, Tinea capitis, Ալերգիկ կոնտակտային դերմատիտ, Ատոպիկ դերմատիտ, Կանդիդոզ, Դերմատոմիոզիտ

Սեբորեային դերմատիտ

Գլխամաշկի համար Կետոկոնազոլ 2% շամպուն շաբաթական 2 անգամ, մոտ 4 շաբաթ, շամպունը թողնել գլխամաշկին մի քանի րոպե, հետագայում՝ պահպանողական օգտագործում շաբաթական 1 անգամ կամ ըստ սրացումների։ Դեմքի համար Կետոկոնազոլ 2% ՝ օրական 1 անգամ 4 շաբաթ։ (Կրկնվող սրացումների դեպքում՝ տակրոլիմուս կամ պիմեկրոլիմուս՝ որպես կորտիկոստերոիդ-խնայող տարբերակ)