Վիտիլիգո

27 տարեկան կին

Մոտ 1 տարի առաջ աջ ձեռքի մատների շրջանում նկատել է մաշկի գունաթափված փոքր օջախ։ Հետագա ամիսներին առաջացել են նոր օջախներ դաստակների, ձեռքերի և դեմքի շրջանում։ Հիվանդը նշում է, որ որոշ օջախների սահմաններն աստիճանաբար ընդարձակվել են։ Ընտանեկան անամնեզում՝ մոր մոտ աուտոիմուն վահանաձև գեղձի հիվանդություն։

Մաշկի վրա սպիտակ բծերի առաջացում։ Քոր, ցավ և այրոց չի նշում։

Կաթնաճերմակ, հստակ սահմանազատված, ոչ ինֆիլտրացված դեպիգմենտացված մակուլաներ։

Երկրորդային ձևաբանական տարրեր չեն հայտնաբերվում։

Ձեռքերի և դաստակների, մատների, դեմքի շուրջբերանային և քթի հարակից հատվածներ։ Ախտահարումները հիմնականում երկկողմանի են։

Որոշ ախտահարված օջախներում նկատվում է մազերի մասնակի դեպիգմենտացիա։

Wood-ի լամպի ներքո ախտահարված հատվածները դառնում են վառ սպիտակ և հստակ սահմանազատվում շրջակա մաշկից։ TSH՝ նորմայի սահմաններում։ Anti-TPO՝ դրական։

Պոստինֆլամատոր հիպոպիգմենտացիա Պիտիրիազիս ալբա Տինեա վերսիկոլոր Կոնտակտային լեյկոդերմա

Վիտիլիգո՝ ոչ սեգմենտային ձև։

Բուժման նպատակն է դադարեցնել նոր օջախների առաջացումը և նպաստել ռեպիգմենտացիային։ Տարածուն կամ ակտիվ հիվանդության դեպքում կարող է կիրառվել նեղ սպեկտրի UVB ֆոտոթերապիա։ Արագ տարածվող հիվանդության դեպքում մասնագետը կարող է քննարկել կարճատև համակարգային կորտիկոստերոիդային բուժում։

Տեղային կորտիկոստերոիդներ կամ տոպիկալ կալցինևրինի ինհիբիտորներ։ 12 տարեկանից բարձր ոչ սեգմենտային վիտիլիգոյի որոշ դեպքերում կարող է կիրառվել ռուքսոլիտինիբի տեղային քսուք։