Տեղայնացված սկլերոդերմիա

29 տարեկան կին։

Ձախ ազդրի արտաքին մակերեսին մաշկի փոփոխությունը նկատել է մոտ 10 ամիս առաջ։ Սկզբում այն ներկայացել է որպես վարդագույն-մանուշակագույն բիծ, որը հետագայում աստիճանաբար մեծացել է։ Օջախի կենտրոնական հատվածը դարձել է ավելի բաց գույնի, պինդ և քիչ շարժուն։ Վերջին ամիսներին նոր օջախներ չեն առաջացել։

Ախտահարված հատվածում մաշկի ձգվածության և պնդության զգացում։ Ցավ կամ քոր գրեթե չի նշում։

Օվալաձև, վարդագույն-մանուշակագույն, ինֆիլտրացված թիթեղ։

Կենտրոնական հատվածում՝ փղոսկրագույն սկլերոզ և թեթև ատրոֆիա, ծայրամասում՝ մանուշակագույն «lilac ring»։

Ձախ ազդրի արտաքին մակերես՝ մեկ խոշոր, օվալաձև օջախ։

Չի հայտնաբերվում։

Մաշկի բիոպսիայով՝ կոլագենային մանրաթելերի խտացում և հիալինիզացիա, դերմիսի հաստացում, մաշկի հավելումների նվազում և բորբոքային ինֆիլտրացիա։

Տինեա կորպորիս Դիսկոիդ կարմիր գայլախտ Լիխեն սկլերոզուս Հետբորբոքային ատրոֆիկ փոփոխություններ

Տեղայնացված սկլերոդերմիա՝ մորֆեա։

Սահմանափակ, մակերեսային և ոչ ակտիվ օջախների դեպքում հիմնականում կիրառվում է տեղային բուժում կամ ֆոտոթերապիա։ Ավելի ակտիվ, խոր կամ տարածուն ձևերի դեպքում կարող են պահանջվել համակարգային բուժում՝ մետոտրեքսատ՝ անհրաժեշտության դեպքում համակարգային կորտիկոստերոիդների հետ համակցությամբ, կամ այլ իմունամոդուլացնող բուժում։

Տեղային բարձր հզորության կորտիկոստերոիդներ, տակրոլիմուս կամ կալցիպոտրիոլ։ Մակերեսային մորֆեայի դեպքում կարող է քննարկվել UVA1 ֆոտոթերապիա։