Ռոզացեա

38 տարեկան կին։

Դեմքի կենտրոնական հատվածում պարբերաբար առաջացող կարմրությունը նկատել է մոտ 2 տարի առաջ։ Սկզբում դրվագները կարճատև էին և առաջանում էին տաք սնունդ օգտագործելուց, արևի ազդեցությունից և տաք միջավայրում գտնվելուց հետո։ Վերջին 6 ամիսներին կարմրությունը դարձել է ավելի կայուն, իսկ այտերի շրջանում առաջացել են մանր պապուլոպուստուլոզային տարրեր։ Նշում է, որ օգտագործում է տարբեր կոսմետիկ միջոցներ, որոնցից որոշների կիրառման ժամանակ առաջանում է այրոց։

Դեմքի կարմրություն, այրոց, ջերմության զգացում և պարբերաբար առաջացող մանր ցանավորում։

Էրիթեմայի ֆոնի վրա՝ մանր էրիթեմատոզ պապուլաներ և պուստուլաներ։

Հետբորբոքային կարմրություն։ Որոշ հատվածներում՝ մակերեսային թեփոտում

Քթի, այտերի, կզակի և ճակատի կենտրոնական հատված։ Ախտահարումը հիմնականում սիմետրիկ է։ Քթի շրջանում առկա է մակերեսային տելանգիեկտազիա։

Չի հայտնաբերվում։

Ընդհանուր լաբորատոր քննությունները՝ առանց էական շեղումների։ Դերմատոսկոպիկ՝ էրիթեմատոզ ֆոնի վրա բազմակի լայնացած մազանոթային կառուցվածքներ։

Սեբորեային դերմատիտ Պերիօրալ դերմատիտ Ակնե վուլգարիս Համակարգային կարմիր գայլախտ

Ռոզացեա, էրիթեմատելանգիեկտատիկ-պապուլոպուստուլոզային ձև։

Հիվանդին խորհուրդ է տրվում խուսափել անհատական սրացնող գործոններից, կիրառել նուրբ մաշկի խնամք և ամենօրյա լայն սպեկտրի արևապաշտպանություն։ Միջին և արտահայտված բորբոքային ձևերի դեպքում կարող է նշանակվել համակարգային հակաբորբոքային բուժում, օրինակ՝ ցածր դոզայի դոքսիցիկլին՝ բժշկական ցուցումներով։

Ազելաինաթթու, մետրոնիդազոլ կամ իվերմեկտին՝ ըստ կլինիկական պատկերի։ Կայուն դեմքային էրիթեմայի և տելանգիեկտազիաների դեպքում կարող են քննարկվել անոթային լազերային կամ լուսային մեթոդները։