Պսորիազային հիվանդություն

32 տարեկան տղամարդ։

Հիվանդությունը սկսվել է մոտ 4 տարի առաջ՝ գլխամաշկի և արմունկների շրջանում առաջացած փոքր, վարդագույն-կարմիր ցանավորմամբ։ Սկզբնական շրջանում ցանավորումը եղել է սահմանափակ, հետագայում աստիճանաբար տարածվել է։ Հիվանդը նշում է պարբերական սրացումներ հատկապես աշուն-ձմեռ ժամանակահատվածում։ Վերջին սրացումը սկսվել է մոտ 3 շաբաթ առաջ՝ հոգեհուզական լարվածությունից հետո։ Նախկինում ստացել է տեղային կորտիկոստերոիդային բուժում, որի ֆոնին դիտվել է ժամանակավոր բարելավում։ Ընտանեկան անամնեզում մոր մոտ առկա է նմանատիպ մաշկային հիվանդություն։

Գանգատվում է մաշկի վրա կարմրավուն ցանավորումից և չափավոր քորից, առավել արտահայտված երեկոյան ժամերին։

Սուր սահմանազատված, վարդագույն-կարմիր, ինֆիլտրացված պապուլաներ և թիթեղներ

Մակերեսին առկա է չոր, սպիտակավուն, հեշտությամբ թեփոտվող թեփ։

Սիմետրիկ ախտահարումներ՝ արմունկների և ծնկների էքստենսոր մակերեսներին, գլխամաշկի մազածածկ հատվածում և գոտկատեղի շրջանում։ Եղունգների վրա՝ եղունգային թիթեղների փոսիկներ և դեղնավուն-շագանակագույն բծեր։

Եղունգների ախտահարում՝ փոսիկավորում, օնիխոդիստրոֆիկ փոփոխություններ։ Մազերի ախտահարում չի հայտնաբերվում։

Ընդհանուր արյան քննությունը՝ առանց էական շեղումների։ Դերմատոսկոպիկ՝ կարմիր ֆոնի վրա համաչափ բաշխված կետային անոթներ, սպիտակավուն թեփ և հստակ սահմանազատված կառուցվածք։

Սեբորեային դերմատիտ, Կարմիր տափակ որքին, Տինեա կորպորիս, Պիտիրիազիս ռոզեա

Պսորիազային հիվանդություն, վուլգար պսորիազ, տարածված ձև։

Սահմանափակ հիվանդության դեպքում կարող է բավարար լինել տեղային բուժումը։ Միջին և ծանր ձևերի դեպքում քննարկվում են ֆոտոթերապիան և համակարգային բուժումը կամ կենսաբանական թերապիա՝ համապատասխան ցուցումներով

Էմոլիենտներ, կերատոլիտիկ միջոցներ, վիտամին D-ի ածանցյալներ և տեղային գլյուկոկորտիկոստերոիդներ՝ ըստ ախտահարումների տեղակայման և ծանրության։