Աբիոտրիկ մաշկախտներ՝ թառամ մաշկ

56 տարեկան կին

Մոտ 2 տարի առաջ հիվանդը նկատել է դեմքի շրջանում մաշկի աստիճանական թուլացում և կախվածություն։ Դրան նախորդել է ծանր անեմիա, տարածուն այտուցներ, հիպոպրոտեինեմիա, արտահայտված պրոտեինուրիա և երիկամային ֆունկցիայի վատացում։ Հետագայում հետազոտություններով հայտնաբերվել է պլազմաբջջային հիվանդություն՝ բազմակի միելոմա։ Հիմնական հիվանդության բուժումից և այտուցների վերացումից հետո մարմնի այլ հատվածների մաշկային փոփոխությունները աստիճանաբար նվազել են, սակայն դեմքի և պարանոցի շրջանում պահպանվել են թուլացած, կնճռոտ և կախված մաշկային ծալքերը։

Գանգատվում է դեմքի և պարանոցի մաշկի արտահայտված թուլացումից, կախվածությունից և բազմաթիվ խորը կնճիռներից։ Նշում է մաշկի առաձգականության զգալի նվազում և արտաքին տեսքի փոփոխություն։

Առանձին առաջնային ցանային տարրեր չեն հայտնաբերվում։

Խորը կնճիռներ Թուլացած և կախված մաշկային ծալքեր Մաշկի ավելցուկային ծալքավորում Մաշկի առաձգականության կորուստ Դեմքի վաղաժամ ծերացած տեսք

Դեմք, պարանոց, ականջաբլթակներ

Եղունգների և մազերի ախտահարումներ չեն դիտվում։

Մաշկի բիոպսիա՝ դերմիսի էլաստիկ թելերի քանակի արտահայտված նվազում, թելերի մասնատում և կուտակումներ։ Verhoeff–Van Gieson հատուկ ներկմամբ՝ էլաստիկ թելերի քանակի նվազում և մասնատվածություն։ Լաբորատոր հետազոտություններ՝ ընդհանուր արյան և կենսաքիմիական քննություններ, շիճուկի և մեզի իմունոֆիքսացիա՝ հիմքում ընկած պլազմաբջջային հիվանդության գնահատման նպատակով։ Նկարագրված կլինիկական դեպքում հայտնաբերվել են պրոտեինուրիա, հիպոպրոտեինեմիա, երիկամային ֆունկցիայի խանգարում և մոնոկլոնալ սպիտակուց։

Անետոդերմա (Anetoderma) Ehlers–Danlos-ի համախտանիշ, Ժառանգական Cutis laxa, Պրոգերիա/պրոգերոիդ համախտանիշներ, Մաշկի տարիքային արտահայտված էլաստոլիզ, Ձեռքբերովի Cutis laxa

Ձեռքբերովի թառամ մաշկ

մաշկի խնամք և պաշտպանություն, համապատասխան դեպքում՝ պլաստիկ/վերականգնողական վիրաբուժական բուժում՝ ավելցուկային մաշկային ծալքերի հեռացման նպատակով, պարբերական հսկողություն՝ համակարգային ախտահարումների բացառման համար։