Ընդհանուր տվյալներ
Պացիենտի տվյալներ՝ 25 տարեկան կին
Կյանքի և հիվանդության անամնեզ
Ակնեի առաջին դրսևորումները նկատել է մոտ 5 տարի առաջ։ Սկզբնական շրջանում ցաները եղել են սահմանափակ և հիմնականում տեղակայվել են ճակատի ու կզակի շրջանում։ Վերջին տարվա ընթացքում բորբոքային տարրերի քանակն ավելացել է, և ախտահարումը տարածվել է նաև երկու այտերի վրա։ Պացիենտը նախկինում ինքնուրույն օգտագործել է տարբեր կոսմետիկ միջոցներ և տեղային հակաբակտերիալ պատրաստուկներ՝ առանց կայուն արդյունքի։ Դաշտանային ցիկլը կանոնավոր է։ Ակնեի արտահայտված սրացում նկատում է դաշտանից մի քանի օր առաջ։
Հիվանդի գանգատները
Պացիենտը դիմել է դեմքի մաշկի պարբերաբար առաջացող ցաների գանգատով։ Նշում է ճակատի, այտերի և կզակի շրջանում սև և սպիտակ կոմեդոնների, բորբոքային պապուլների և պուստուլների առկայություն։ Առանձին ժամանակահատվածներում առաջանում են նաև ցավոտ, ավելի խորը բորբոքային տարրեր։ Ցաներից հետո այտերի շրջանում պահպանվում են կարմրավուն և շագանակագույն հետքեր։ Նշում է մաշկի արտահայտված յուղոտություն։
Առաջնային ձևաբանական տարրեր
Պապուլներ, պուստուլներ, բծեր, փակ կոմեդոններ
Երկրորդային ձևաբանական տարրեր
Հետբորբոքային պիգմենտային բծեր, սպիներ
Ցանի տեղակայումը
Ճակատի, այտերի և կզակի շրջան
Եղունգների և մազերի ախտահարումը
Լաբորատոր, հյուսվածաբանական, գործիքային, դերմատոսկոպիական և այլ հետազոտությունների տվյալներ
Դիֆերենցիալ ախտորոշում
Նախնական ախտորոշումը
Ակնե (Acne vulgaris)
Վիտամինոթերապիա
Դոքսիցիկլինի սահմանափակ կուրս
Տեղային բուժումը
Ադապալեն 0.1%՝ երեկոյան, բարակ շերտով ամբողջ ախտահարված հատվածին։ Սկզբնական շրջանում՝ շաբաթական 2–3 անգամ, տանելիության դեպքում աստիճանաբար անցում ամենօրյա կիրառման։ Բենզոիլ պերօքսիդ 5%՝ առավոտյան կամ ադապալենի հետ ֆիքսված համակցությամբ։ Օգտագործել նուրբ մաքրող միջոց՝ օրական 2 անգամ, SPF 50+ արևապաշտպան միջոց։ Կրկնակի մաշկաբանական գնահատում՝ 8–12 շաբաթ անց։
