Լարիսա Դավթյան

41 տարեկան կին, գրասենյակային աշխատող։ Ընդհանուր վիճակը բավարար է։ Մարմնի ջերմաստիճանը՝ 36.6°C։ Զարկերակային ճնշումը՝ 118/74 մմ սնդիկի սյուն։ Ուղեկցող ծանր հիվանդություն չունի։

Վերջին երեք տարում պարբերաբար առաջանում է դեմքի կարմրություն՝ հատկապես արևից, տաք ըմպելիքից, կծու սննդից, ֆիզիկական ծանրաբեռնվածությունից և հուզական լարվածությունից հետո։ Սկզբում կարմրությունը անցնում էր 20–30 րոպեում, իսկ վերջին ութ ամիսներին դարձել է կայուն, Վերջին երեք ամիսներին այտերին և կզակին առաջացել են կարմիր բշտիկներ։ Ինքնուրույն կիրառել է կորտիկոստերոիդային կրեմ, որից եղել է կարճատև թեթևացում, ապա՝ արտահայտված սրացում։ Կոմեդոններ երբևէ չի նկատել։

* դեմքի կայուն կարմրություն, * պարբերական ուժեղ կարմրելու նոպաներ՝ շիկացում (flushing), * այրոց և ծակծկոց, * տաքության զգացում, * այտերի ու կզակի բշտիկներ, * աչքերի չորություն և կոպեզրերի գրգռվածություն։

Կենտրոնադեմքային կայուն էրիթեմա . Բազմաթիվ 2–4 մմ կարմիր, կիսագնդաձև բորբոքային պապուլներ։ * Առանձին մակերեսային պուստուլներ՝ թարախաբշտիկներ։ * Բարակ, ճյուղավորվող տելեանգիեկտազիաներ՝ տեսանելի լայնացած մազանոթներ։

Թույլ մակերեսային թեփոտում։ * Չորություն՝ քսերոզ։ * Առանձին մակերեսային էքսկորիացիաներ։ * Քթի թևերի շրջանում թույլ այտուց։

Ախտահարումը համաչափ է և ընդգրկում է այտերի կենտրոնական հատվածները, քիթը, միջհոնքային շրջանը և կզակը։

-

Դերմատոսկոպիայով տեսանելի են՝ * բազմանկյուն ցանց կազմող գծային անոթներ (polygonal vascular network), * ֆոլիկուլային բացվածքների շուրջ էրիթեմա, * սպիտակավուն կամ դեղնավուն ֆոլիկուլային խցաններ, * պապուլների և պուստուլների դեպքում՝ ֆոլիկուլակենտրոն բորբոքում։

1. Սովորական ակնե — առկա են բաց կամ փակ կոմեդոններ, հաճախ նաև հանգույցներ ու սպիներ։ 2. Սեբորեային դերմատիտ — գերակշռում է յուղոտ դեղնավուն թեփը քթի ծալքերում, հոնքերում և գլխամաշկին։ 3. Պերիօրիֆիցիալ դերմատիտ — մանր միատեսակ պապուլներ են բերանի, քթի կամ աչքերի շուրջ՝ շրթունքի կարմիր եզրի հարակից գոտու պահպանմամբ։ 4. Համակարգային կարմիր գայլախտ — լուսազգայուն մալար էրիթեմա՝ սովորաբար առանց պուստուլների և ակնհայտ տելեանգիեկտազիաների։ 5. Դեմոդեկոզ — ավելի արտահայտված ֆոլիկուլային թեփ, անհամաչափություն և Demodex-ի բարձր խտություն։ 6. Ստերոիդային ռոզացեա — կապ ունի դեմքին կորտիկոստերոիդի օգտագործման հետ և սրվում է այն դադարեցնելիս։

Պապուլոպուստուլային ռոզացեա

Դադարեցնել դեմքին կորտիկոստերոիդի կիրառումը։ * Օգտագործել մեղմ, ոչ օճառային մաքրող միջոց և ոչ կոմեդոգեն խոնավեցնող կրեմ։ * Ամեն օր կիրառել լայն սպեկտրի SPF 30–50+ արևապաշտպան միջոց։ * Անհատականորեն սահմանափակել հաստատված հրահրիչները։ * Կոպեզրերի հիգիենա և տաք կոմպրեսներ։ * Միջին ծանրության դեպքում՝ դոքսիցիկլին (doxycycline) 40 մգ փոփոխված արտազատմամբ՝ օրը մեկ անգամ 12–16 շաբաթ, կամ 100 մգ օրը մեկ անգամ 8–12 շաբաթ։

Առաջին ընտրություններից մեկը՝ * իվերմեկտին 1% կրեմ՝ օրը մեկ անգամ մինչև 16 շաբաթ, կամ * ազելաինաթթու 15% գել՝ օրը 1–2 անգամ, կամ * մետրոնիդազոլ 0.75% կրեմ/գել՝ օրը 2 անգամ 8–12 շաբաթ։