Անետոդերմա

27 տարեկան կին, դիմել է մաշկաբանի՝ մաշկի վրա մի քանի ամիս առաջ նկատված փափուկ, թեթևակի ներս ընկած հատվածների պատճառով։

Հիվանդը նշում է, որ մաշկային փոփոխությունները սկզբում եղել են փոքր, աստիճանաբար մեծացել են։ Նախկինում տվյալ հատվածներում եղել է թեթև բորբոքային ցան, որից հետո առաջացել են ատրոֆիկ փոփոխություններ։ Քրոնիկ մաշկային հիվանդություններ չի նշում։ Համակարգային հիվանդություններ՝ չի նշում։

Մաշկի վրա փափուկ, ներս ընկած, կնճռոտ հատվածների առկայություն։ Ցավ, քոր կամ այրոց չի նշում։ Գանգատը հիմնականում կոսմետիկ բնույթի է։

Կլորավուն/օվալաձև, հստակ սահմաններով, մաշկի մակարդակից թեթևակի ներս ընկած, փափուկ, ատրոֆիկ բծեր և պապուլաներ։

Մաշկի ատրոֆիա, կնճռոտվածություն և առաձգականության կորուստ։

Ախսհարվար հատվածները տեղակայված են իրանի և վերին վերջույթների մաշկի վրա

Եղունգների և մազերի ախտահարում չի հայտնաբերվել։

Ընդհանուր լաբորատոր հետազոտություններ՝ առանց էական շեղումների։ Կատարվել է մաշկի պունկցիոն բիոպսիա։ Հյուսվածաբանական հետազոտությամբ՝ դերմիսի էլաստիկ թելերի քանակի նվազում, կորուստ։

Ատրոֆիկ սպի, ատրոֆիկ մորֆեա, cutis laxa և այլ ձեռքբերովի մաշկային ատրոֆիաներ։

Անետոդերմա (Anetoderma), երկրորդային ձև։

Բուժման նպատակն է կանխել նոր ախտահարումների առաջացումը և բուժել հնարավոր հիմքում ընկած պատճառը։ Անհրաժեշտության դեպքում՝ ուղեկցող բորբոքային կամ աուտոիմուն գործընթացի բուժում։ Կոսմետիկ դեֆեկտների դեպքում քննարկվում են համապատասխան դերմատոկոսմետոլոգիական մեթոդներ։

Խոնավեցնող և մաշկի պատնեշը վերականգնող միջոցներ։ Ակտիվ բորբոքային օջախների առկայության դեպքում՝ տեղային հակաբորբոքային բուժում՝ ըստ կլինիկական ցուցումների։